Kryeministrja Sanna: Nëse Finlanda aplikon për t’u anëtarësuar në NATO, kjo do të jetë për sigurinë e qytetarëve të saj

Nëse Finlanda aplikon për t’u anëtarësuar në NATO, kjo do të jetë për sigurinë e qytetarëve të saj, tha të mërkurën kryeministrja finlandeze Sanna Marin.

Duke folur gjatë një konference të përbashkët për shtyp me kryeministrin japonez Fumio Kishida në Tokio, Marin tha se kishte biseduar me homologun e saj japonez për “planet e Finlandës për të aplikuar për anëtarësim në NATO”.

“Nëse Finlanda e bën këtë hap historik, është për sigurinë e vetë qytetarëve tanë. Anëtarësimi në NATO do të forconte të gjithë komunitetin ndërkombëtar që qëndron për vlerat tona të përbashkëta,” tha Marin.
Të martën, Komiteti Parlamentar i Mbrojtjes i Finlandës i tha Komitetit të Punëve të Jashtme Finlandeze se ishte në favor të aplikimit për anëtarësim në NATO, sipas medias shtetërore finlandeze YLE.

Komiteti i mbrojtjes deklaroi besimin e tij se anëtarësimi në NATO do të ishte zgjidhja më e mirë për sigurinë finlandeze.

Ministrja finlandeze për Çështjet Evropiane Tytti Tuppurainen për Çështjet Evropiane i tha CNN të martën se ka “shumë të ngjarë” që vendi të aplikojë për anëtarësim në NATO.

Ajo shpreson se nëse Finlanda do të aplikojë për t’u bashkuar me aleancën “procesi i ratifikimit do të ishte sa më i shkurtër që të jetë e mundur”.

Rruga Press