Kryeministri britanik viziton Kievin: Britania ofron 2.5 miliardë £ ndihmë! Do ju qëndrojmë pranë

Kryeministri Rishi Sunak ka vizituar sot Kievin për të takuar Presidentin ukrainas, Zelensky pak pas njoftimit se Britania e Madhe do të miratojë 2.5 miliardë paund ndihmë ushtarake për Ukrainën. Në vizitën e tij të papritur, Sunak prezantoi paketën e re për ndihmë dhe siguri ushtarake duke ofruar një mbështetje me një rritje prej 200 milion £ krahasuar me dy vitet e mëparshme,

Presidenti ukrainas u ka bërë presion aleatëve perëndimorë që t’i ofrojnë vendit më shumë mbështetje për të luftuar kundër forcave ruse, mes frikës se interesi për luftën po zbehet ndërsa lufta zvarritet.

Kriza në Lindjen e Mesme teksa Izraeli vazhdon të bombardojë Gazën ka larguar gjithashtu vëmendjen globale nga beteja kundër Vladimir Putinit.

Kryeministri theksoi mbështetjen e vazhdueshme të Mbretërisë së Bashkuar për Kievin përpara takimit të tij me Zelensky, i cili vjen disa orë pasi forcat e Mbretërisë së Bashkuar dhe SHBA-së filluan sulmet kundër objektivave nga rebelët Houthi në Jemen.

“Për dy vjet, Ukraina ka luftuar me guxim të madh për të zmbrapsur një pushtim brutal rus. Ata janë ende duke luftuar, të palëkundur në vendosmërinë e tyre për të mbrojtur vendin e tyre dhe për të mbrojtur parimet e lirisë dhe demokracisë.

“Mbretëria e Bashkuar nuk do të lëkundet. Ne do të qëndrojmë pranë Ukrainës, në ditët e saj më të vështira, sepse ditë të mira sigurisht që do të vijnë”, tha Sunak.

Sunak vizitoi për herë të parë Ukrainën në nëntor 2022, disa javë pasi mori detyrën.

Rruga Press