Kroacia nis në Kosovë kontingjentin e 41-të të ushtarëve

May 20, 2024 user 1

Kroacia sot do ta dërgojë kontingjentin e saj të 41-të në Kosovë, në kuadër të KFOR-it, misionit paqeruajtës të NATO-s. Ministria kroate e Mbrojtjes bëri të ditur se për këtë kanë organizuar një ceremoni në Zagreb.

Në njoftim thuhet se kontingjenti i ri do të dërgohet në operacionin e KFOR-it për mbështetjen e paqes në Republikën e Kosovës.

Lexo më shumë Kryeprokurori i ri i Shtetit në Kosovë zotohet për forcim të sundimit të ligjit

“Forcat e 41-të të HRVCON KFOR-it përbëhen nga pjesëtarë të Kompanisë së Këmbësorisë së Motorizuar, Njësisë së Aviacionit, Njësisë ISR, Njësisë së Shtabit, elementëve të mbështetjes kombëtare logjistike dhe inteligjencës dhe ekipit mjekësor”, thuhet në njoftim.

Ceremonia do të mbahet të hënën në orën 15:00 dhe në të do marrin pjesë edhe zëvendëskryeministri dhe ministri i Mbrojtjes Ivan Anushiq.

Lexo më shumë Dita 46 e protestës/ “Të rinjtë na hoqën frikën!” – Protestuesi i revoltuar : Rama me deputetët e tij na quajnë korba e sorra, por ata janë një çetë hajdutësh!

Rruga Press