Kosovë-Ndalohen vizitat në burgje për shkak të COVID-19

January 21, 2022 user 1

Shërbimi Korrektues i Kosovës ka marrë disa vendime për shkak të gjendjes me pandeminë në vend dhe nga nesër, ato do të hyjnë në fuqi.

Sipas njoftimit të SHKK-së, do ndalohen vizitat familjare, vikendet për të burgosurit dhe vizitat në lokalet e veçanta.

“Ndalimin e vizitave familjare për të gjitha kategoritë e të burgosurve; Ndalimin e vikendeve për të dënuarit nëpër institucionet korrektuese; Ndalimin e vizitave në lokalet e veçanta”, njoftoi SHKK-ja.

Lexo më shumë Aksion i policisë në veri të Mitrovicës, gjenden armë dhe pajisje për kriptovaluta

Ndërkaq, për të burgosurit janë dhënë udhëzime për të zëvendësuar veprimet që u ndalohen.

Atyre do t’u lejohet aplikimi i sistemit virtual të komunikimit “Skype” për të mundësuar kontaktet me familjet, sipas rutinës së përcaktuar nga Institucioni: “Lejimin e numrit të shtuar të thirrjeve telefonike gjatë kësaj periudhe; Pastrimi i rrobave për të paraburgosur do të organizohet në Institucione”.

Lexo më shumë Partia Social-demokrate e Austrisë ofron mbështetje të fuqishme për Vetëvendosjen në zgjedhjet e 9 shkurtit

“Nga këto masa përjashtohen: Institucioni i Avokatit të Popullit; Mbrojtësit (avokatët) në rastet kur gjykimi është në zhvillim”, thuhet më tej.

Rruga Press