Kosova pret me ceremoni shtetërore kancelarin austriak, Karl Nehammer

Kancelari i Austrisë, Karl Nehammer, do të qëndrojë të premten për vizitë në Kosovë.

Siç ka bërë të ditur zyra e Kryeministrisë, Nehammer do të pritet me ceremoni shtetërore nga kryeministri, Albin Kurti.

“Kryeministri i Republikës së Kosovës, Sh.T. Albin Kurti pret në takim Kancelarin e Austrisë, Sh.T. Karl Nehammer. Pritja me ceremoni shtetërore”, thuhet në njoftim.

Kurti dhe Nehammer do të mbajnë edhe konferencë të përbashkët për media, në ndërtesën e Qeverisë, pas orës 15:00.

Rruga Press