Kosova dhe Mbretëria e Bashkuar thellojnë bashkëpunimin, Ahmeti takohet me të Dërguarën e Posaçme Karen Pierce

July 8, 2026 User2

Gjatë një vizite të shkurtër në Londër, Zëvendësministri i Punëve të Jashtme dhe Diasporës, Kreshnik Ahmeti, zhvilloi një takim me të Dërguarën e Posaçme të Mbretërisë së Bashkuar për Ballkanin Perëndimor, Dame Karen Pierce.

Në takim u diskutua mbi bashkëpunimin ndërmjet Kosovës dhe Mbretërisë së Bashkuar, përgatitjet për mbledhjen e ardhshme të Këshillit të Partneritetit, si dhe koordinimin e vazhdueshëm për çështjet e sigurisë në Ballkanin Perëndimor dhe sfidat e përbashkëta globale.

Lexo më shumë Prokuroria merr kamerat e Bankës së Shqipërisë për të gjetur policin që qëlloi Erjon Vishkullin, po hetohet edhe rreth dyshimeve për përdorimin joproporcional të forcës nga disa punonjës së policisë së shtetit ndaj protestusve

Palët riafirmuan rëndësinë e partneritetit të ngushtë mes dy vendeve, ndërsa Kosova shprehu mirënjohjen për mbështetjen e vazhdueshme që Mbretëria e Bashkuar i ka dhënë vendit në fusha të ndryshme.

Pas takimit, zëvendësministri Ahmeti vizitoi edhe Ambasadën e re të Republikës së Kosovës në Londër, duke u njohur nga afër me ambientet e reja diplomatike dhe punën e misionit diplomatik kosovar në Mbretërinë e Bashkuar.

Lexo më shumë Studentët kundër Vuçiqit, por edhe pavarësisë së Kosovës

Rruga Press