Kosova 15 vjet shtet, Begaj homazhe në Kompleksin Memorial “Adem Jashari”
Presidenti i Shqipërisë, Bajram Begaj së bashku me përfaqësues të institucioneve të Kosovës, ka bërë homazhe në Kompleksin Memorial “Adem Jashari”, në Prekaz.
Nga aty, Presidenti Begaj theksoi se shteti i Kosovës është amanet dhe trashëgimi e Adem Jasharit.
“Është kënaqësi të jem sot këtu në 15 vjetorin e shtetit të lirë dhe të pavarur të Kosovës. Ky është amaneti dhe trashëgimia që na ka lënë Adem Jashari. 15 vite ne kemi parë lindjen dhe rritjen e shtetit të Kosovës dhe besoj që rrugëtimi jonë është përpara, rrugëtimi euroatlantik”, tha ai.
Begaj do t’i drejtohet popullit të Kosovës edhe në seancën e Kuvendit të Kosovës.
Rruga Press