Konjufca: Gjithçka gati për seancën konstituive, caktohen ulëset e partive

Kryetari i Kuvendit, Glauk Konjufca, ka njoftuar se gjithçka është gati për seancën konstituive të Kuvendit të Kosovës.

Pas mbledhjes me përfaqësuesit e partive politike, Konjufca ka thënë se janë caktuar ulëset e partive dhe nuk ka dallime të mëdha krahasuar me legjislaturën e tetë.

“Kjo është natyrisht mbledhje që e sheh edhe rregullorja jonë. Në këtë mbledhje caktohen ulëset e partive politike.. e bashkë me ta e diskutova edhe skenarin e mbledhjes. Gjithçka shkoi mirë. U caktuan ulëset. Nuk ka ndryshim shumë të madh sa i përket ulëseve. Në mes ulet VV-ja. Dy krahët siç kanë qenë. AAK-ja do të ulët siç ka qenë e edhe pakicat. Dallimet janë të vogla me legjislaturën e tetë. Gjithçka shkoi mirë, përfundoi mbledhja”, ka thënë Konjufca.

Ai ka shtuar se Lëvizja Vetëvendosje ende nuk e ka dhënë emrin e kryetarit të Kuvendit dhe se formimi i Qeverisë është i pamundur pa themelim të një koalicioni.

Sa i përket kryetarit të Kuvendit, VV-ja ende nuk e ka dhënë emrin e kryetarit të Kuvendit, kjo edhe për arsye se të gjitha pozitat sa i përket përbërjes mazhorancës i nënshtrohen principeve e njëra është përpjekja për të formuar qeverinë. Kur jemi te qeveria është e pamundur pa u themeluar një koalicion që është e aftë me zgjedh një qeveri të re.

Rruga Press