Konjufca e Hovenier zotohen për forcim të marrëdhënieve Kosovë-SHBA

January 11, 2022 user 1

Kryetari i Kuvendit, Glauk Konjufca, është takuar me ambasadorin e SHBA-së në Kosovë, Jeffrey Hovenier, pasi ky mori detyrën e ambasadorit.

Në një komunikatë nga Kuvendi, Konjufca thuhet se ka falënderuar ambasadorin për përkrahjen e vazhdueshme të SHBA-së ndaj Kosovës, “duke shprehur mirënjohje edhe për dhurimin e mbi gjysmë milioni të vaksinave Pfizer kundër koronavirusit”.

Lexo më shumë Studentët shqiptarë protestojnë sot në Shkup: Provimet të jepen në gjuhën shqipe

“Kreu i Kuvendit njëherësh vlerësoi lart miqësinë e palëkundur dhe partneritetin shembullor me Shtetet e Bashkuara të Amerikës, duke vënë në pah se e ardhmja e Republikës së Kosovës është në BE, NATO dhe organizatat e tjera ndërkombëtare”, thuhet tutje.

Ambasadori Hovenier dhe kryeparlamentari Konjufca thuhet se kanë shprehur përkushtimin për forcimin e marrëdhënieve mes dy palëve, bashkërendimin e objektivave dhe thellimin e bashkëpunimit.

Lexo më shumë Shqipëria t’u dalë në krah studentëve në protestë e krejt shqiptarëve në RMV. E t’u dalë në krah jo me hashtage, jo me deklarata FB-je, por me veprime te qarta e të prera diplomatike, qoftë edhe duke thirrur në kauzë Arbitrin Ndërkombëtar

Rruga Press