Kongresmeni konservator Don Bacon del kundër Trumpit: Republikanët e vërtetë e dinë të keqen, Rusinë e Putinit, trashëgimia ime është Reagani dhe Churchilli

Vendimet e presidentit amerikan Trump për të braktisur Ukrainën dhe për të ndihmuar për pasojë pushtimin e Putinit, ka krijuar shumë polemika dhe kundërshti, përfshirë edhe nga brenda Partisë Republikane, në krye të së cilës është Donald Trump.

Kongresmeni konservator, Don Bacon u shpreh ashpër kundër qëndrimeve të presidentit Donald Trump.

“Republikanët e vërtetë e dinë se Rusia e Putinit e urren Perëndimin dhe lirinë”, tha kongresmeni amerikan.

Ai shtoi se e dimë gjithashtu që Ukraina dëshiron demokracinë, tregjet e lira dhe sundimin e ligjit, duke nënkuptuar se Ukraina është një vend i vlerave perëndimore, përkundër Rusisë që ka në krye një autokrat si Putini, i cili jo rrallë herë i ka vrarë kundërshtarët e tij politikë.

“Ne qëndrojmë me të drejtën kundër të keqes. Reagani, Churchilli, Eisenhoweri… kjo është trashëgimia jonë. Unë nuk do të largohem prej saj”, tha në fund kongresmeni Don Bacon.

Rruga Press