Kongresisti Brian Mast dërgon amendament në Kongres, kërkon mbështetjen e SHBA-së për anëtarësimin e Kosovës në NATO

September 20, 2025 use3

Kongresisti amerikan, Brian Mast, njëherësh kryetar i Komitetit të Dhomës së Përfaqësuesve për Punë të Jashtme ka paraqitur një amendament për tu miratuar në Kongres përmes së cilit kërkohet mbështetja e Shteteve të Bashkuara të Amerikës për anëtarësimin e Kosovës në NATO.

Kjo është bërë e ditur nga Organizata “Albanians for America”.

Lexo më shumë Konjufca takon Sekretarin e Përgjithshëm të Këshilli i Bashkëpunimit Rajonal, theksohet bashkëpunimi rajonal dhe integrimi evropian

Organizata “Albanians for America” ka njoftuar tutje se me anë të këtij amendamenti të republikanit nga Florida, Brian Mast kërkohet po ashtu angazhim i shtuar i SHBA-së në Ballkan dhe një gjuhë e qartë në raport me rajonin.

“Ky hap historik njeh rëndësinë strategjike të rajonit tonë dhe përcakton prioritetet e qarta të politikës së SHBA-së”, thuhet tutje.

Lidhur me këtë, ka shkruar edhe aktivisti i njohur shqiptar në SHBA, Martin Vulaj.

Lexo më shumë Opozita vazhdon të bojkotojë - Fillon seanca e Kuvendit të Kosovës për zgjedhjen e presidentit, por shtyhet për në orën 14:00

Vulaj në një postim në Facebook e quan lajm të shkëlqyer.

“Lajm i shkëlqyer dhe punë e shkëlqyer nga individë të përkushtuar. Diaspora shqiptaro-amerikane po zgjohet”, ka shkruar ai.

Rruga Press