Konfiskohet municion dhe pajisje ushtarake në një shtëpi të pabanuar në Zubin-Potok

Policia e Kosovës ka konfiskuar municion dhe pajisje të ndryshme në një shtëpi të pabanuar në fshatin Padinë të Zubin-Potokut, gjatë një patrullimi të realizuar pasditen e 6 prillit.

Sipas njoftimit policor, autoritetet kanë hasur në 15 fishekë të mbushur për pushkë gjuetie, 11 fishekë të zbrazur, si dhe një makinë për mbushjen e fishekëve. 

Në vendin e ngjarjes është gjetur gjithashtu një sasi baruti, diabola dhe një pjesë e një uniforme ushtarake.

Siç bëhet e ditur, nuk ka persona të dyshuar të identifikuar deri më tani, ndërsa rasti është iniciuar dhe mbetet nën hetime.

Rruga Press