Kompanisë Meta i kërkohet heqja e përmbajtjeve joetike

Udhëheqësit fetarë i kanë kërkuar shefit ekzekutiv të Meta-s, Mark Zuckerberg, t’i ndalojë planet e kompanisë për një version ndryshe të Instagramit, që synim ka përfshirjen e të rinjve. Nëpërmjet një letre dërguar Zuckerbergut, udhëheqësit kërkuan që të hiqen përmbajtjet “joetike dhe frymëzimet që s’janë në të mirën e fëmijëve”.

Siç bëhet e ditur, Instagrami dhe kompania mëmë Meta Platforms, janë nën vëzhgim intensiv mbi ndikimin e mundshëm në shëndetin mendor, imazhet e trupit dhe sigurinë e përdoruesve.

Ky reagim i institucioneve fetare erdhi pas publikimeve të Frances Haugen, që zbuloi dokumentet e brendshme të kompanisë rreth qasjes ndaj përdoruesve të rinj.

Kompanitë e mëdha, përfshirë Facebookun e Zuckerbergut, kanë bërë përditësime të shumta muajve të fundit, kryesisht mbi sigurinë e të dhënave.

Rruga Press