Komisioni i Venecias në tetor shprehet për zgjedhjet e 30 qershorit
Komisioni i Venecias do të japë mendimin përfundimtar për zgjedhjet lokale të 30 qershorit në muajn tetor, sipas kalendarit të punimeve të komisonit.
Në korrik Gjykata Kushtetuese iu drejtua Komisionit të Venecias për çështjen e kushtetueshmërisë së zgjedhjeve në 30 qershor 2019.
Kushtetuesja i drejtoi tre pyetje Komisionit:
E para nëse ka apo jo ajo kompetencë të shqyrtojë kushtetueshmërinë e procesit zgjedhor.
E dyta cili parim kushtetues prevalon periodiciteti i zgjedhjeve apo i pluralizmit politik
E treta nëse është cënuar e drejta e votuesve për të pasur mundësi zgjedhjeje.
Padia për zgjedhjet e 30 qershorit u çua në Gjykatën Kushtetuese nga Shoqata e Bashkive e kryesuar nga Voltana Ademi.
Zgjedhjet lokale të 30 qershorit 2019 u bojkotuan nga Partia Demokratike dhe Lëvizja Socialiste për Integrim duke e lënë praktikisht pa kundërshtarë Partinë Socialiste e cila tani kontrollon 61 bashkitë e vendit.