Klitschko: Linjat e furnizimit janë hapur, njerëzit kthehen për të luftuar ndaj rusëve

Kryebashkiaku i kryeqytetit ukrainas të Kievit tha sot se ai beson se rreth dy milionë njerëz kanë mbetur ende në qytet, i cili po shtrydhet nga avancimi i forcave ruse në disa fronte.

Ish-kampioni i boksit në peshën e rëndë, Vitali Klitschko tha se kryeqyteti, normalisht shtëpia e rreth 3.5 milionë njerëzve, kishte mjaftueshëm furnizime jetike për të zgjatur disa javë dhe se linjat e furnizimit brenda dhe jashtë mbetën të hapura për momentin.

“Ne mendojmë se afër dy milionë njerëz janë ende në Kiev dhe është shumë e rëndësishme t’u ofrohen shërbime njerëzve. Ne tani kemi rrymë, ngrohje, gaz, kemi ujë.”– tha ai.

Klitschko gjithashtu falënderoi vendet për dërgimin e furnizimeve në Ukrainë dhe vlerësoi se Kievi kishte mjaft mallra jetike për të zgjatur edhe dy javë të tjera, megjithëse linjat e furnizimit mbetën të hapura.

Vëllai i tij Wladimir, gjithashtu një yll i boksit në peshën e rëndë, shtoi në intervistën e përbashkët se disa nga burrat dhe gratë që kishin shoqëruar familjet e tyre në sigurinë relative të perëndimit të vendit po ktheheshin për të marrë pjesë në mbrojtjen e qytetit.

Rruga Press