“Kishte njerëz të shtrirë kudo”, historia e trishtë e nënës dhe vajzës 11-vjeçare që humbën këmbët nga sulmi rus
Një spital në Lviv ka ndarë historinë e një vajze 11-vjeçare dhe nënës së saj, të cilat humbën këmbët pas një sulmi me raketa në stacionin hekurudhor Kramatorsk në prill.
Ndërkohë që prisnin trenin e tyre, të dyja shkuan në platformë për të marrë çaj, ndërsa vëllai binjak i Yana-s, Yaroslav, shikonte valixhet e tyre, sipas një postimi në Facebook nga Spitali i Fëmijëve Shën Nikolla në Lviv.
Natalia ende nuk mund t’ia falë vetes vendimin për të marrë çaj, thuhet në postim.
Në një video-intervistë me organizatën United for Ukraine, Natalia thotë se nuk e mban mend zhurmën e shpërthimit, por kujton se ka hapur sytë dhe pa se gjithçka ishte e mbuluar me gjak.
Kishte njerëz të shtrirë kudo.
Ajo i tha organizatës se u përpoq të ngrihej, por nuk mundi, dhe më pas pa Yana-n dhe kuptoi se këmbët e saj nuk ishin aty.
Natalia kishte humbur njërën nga këmbët; Yana i kishte humbur të dyja.
Spitali thotë se është duke u kujdesur për ta prej disa javësh dhe ata përfundimisht do të shkojnë në SHBA për trajtim të mëtejshëm.
Nga sulmi mbetën të vrarë 50 persona.
Rruga Press