Kina dërgon dhjetëra avionë luftarakë afër Tajvanit si “paralajmërim i ashpër”

Kina ka nisur stërvitjet ushtarake rreth Tajvanit të shtunën si një “paralajmërim i ashpër” pasi shprehu zemërimin për një ndalesë në Shtetet e Bashkuara nga zëvendëspresidenti i ishullit, William Lai.

Lai u kthye të premten nga vizita në Paraguay gjatë së cilës ndaloi shkurt edhe në New York dhe San Francisko.

Kina ka reaguar ashpër për ndalesat në SHBA dhe të shtunën ka thënë se Lai është një “ngatërrestar”, ndërsa u zotua të marrë hapa për sigurinë e integritetit territorial dhe sovranitetin.

Ushtria “nisi patrullat e përbashkëta ajrore dhe detare si dhe stërvitjet ushtarake të marinës dhe forcave ajrore në ishullin e Tajvanit”, është cituar të thotë zëdhënësi i ushtrisë kineze, Shi Yi.

Tajvani ka thënë se 42 avionë luftarakë janë futur në zonën e saj ajrore.

Kina ka thënë se stërvitjet ishin për të testuar aftësinë e ushtrisë që “të marrë kontroll të hapësirave ajrore dhe detare” dhe të luftojë “në kushte reale lufte”.

Tajvani këto lëvizje i ka quajtur provokim dhe ka theksuar se do të nisë forcat e duhura për t’u përgjigjur.

Rruga Press