Kearns: Një muaj prej kur Radoiçiq pranoi fajësinë për sulmin në Banjskë. Ai vazhdon të jetë i lirë në Serbi, asnjë llogari për rolin e Beogradit
Deputetja britanike, Alicia Kearns ka rikujtuar sot se janë bërë një muaj që kur Milan Radoiçiq ka pranuar fajësinë për sulmin në Banjskë të Zveçanit, ndërkohë ai vazhdon të jetë i lirë në Serbi.
Kearns në një postim në X shkruan se kanë kaluar një muaj dhe asnjë përgjegjësi për rolin e Beogradit.
“Tashmë ka kaluar një muaj që kur Radoiçiqi ka pranuar fajësinë për sulmin paraushtarak në Kosovë me armë të ofruara nga Beogradi. Megjithatë ai mbetet i lirë në Serbi. Pa asnjë llogari për rolin e Beogradit.
Unë i kam parë armët dhe kam takuar familjen e Afrim Bunjakut, ata meritojnë drejtësi…”, shkruan Kryetarja e Komisionit për Punë të Jashtme në Parlamentin e Britanisë së Madhe, Alicia Kearns.
Më 24 shtator Policia e Kosovës u sulmua në Banjskë të Zveçanit, ku mbeti i vrarë polici Afrim Bunjaku dhe u plagos një tjetër.
Në kundërsulm, Policia e Kosovës vrau tre terroristë dhe arrestoi disa tjerë.
Përgjegjësinë për sulmin e ka marr Milan RadoiçiqI që në atë kohë ishte nënkryetar i Listës serbe dhe person i afërt me presidentin e Serbisë, Aleksandar Vuçiqi.
It is now a month since Radoičić admitted guilt for the paramilitary attack on Kosovo with Belgrade provided weapons.
— Alicia Kearns MP (@aliciakearns) October 27, 2023
Yet he remains free in Serbia.
With no accountability for Belgrade’s role.
I’ve seen the weapons, and I’ve met Afrim Bunjaku’s family – they deserve justice. https://t.co/BB3qz9dU7K pic.twitter.com/t2vmmCg0SS
Rruga Press