KE-ja miratoi agjendat e reformave të Kosovës, Bislimi: Me Planin e Rritjes, Kosova një hap më pranë Bashkimit Evropian

October 23, 2024 User2

Komisioni Evropian e ka bërë hapin kyç për të mundësuar pagesat e para për vendet e Ballkanit Perëndimor nga Plani i Rritjes dhe reformave, duke miratuar në takimin e 23 tetorit agjendat e reformave për Kosovën, Shqipërinë, Maqedoninë e Veriut, Malin e Zi dhe Serbinë.

Zëvendëskryeministri, Besnik Bislimi ka shkruar se me Planin e Rritjes, Kosova është një hap më pranë Bashkimit Evropian.

Lexo më shumë Sveçla në Samitin për Digjitalizim në Estoni: Siguria Kibernetike si Prioritet për Ballkanin Perëndimor

Sipas tij me aprovimin e agjendës së reformave, hapet rruga drejt mundësimit të pagesave të para, prej të cilave në total Kosova do të përfitojë deri në 882 milionë euro.

“Sot u aprovua agjenda e reformave të Kosovës nga Komisioni Evropian, në kuadër të Planit të Rritjes. Një agjendë e targetuar drejt avancimit përmbajtësor dhe përafrimit me standardet e Bashkimit Evropian. Me aprovimin e agjendës së reformave, hapet rruga drejt mundësimit të pagesave të para, prej të cilave në total Kosova do të përfitojë deri në 882 milionë euro”, ka shkruar Bislimi në “Facebook”.

Lexo më shumë Nxënësja e “Fan Nolit” në Tiranë: Në shkollë hyjnë me thika dhe shesin mend! Mësuesit donin të bënim mësim që ne ta harronim

Rruga Press