Katër ditë të izoluar nga dëbora, hapet rruga e fshatit Panarit në Korçë

Hapet pas katër ditësh punë rruga e fshatit Panarit në Korçë.

Moti i ftohtë vijon të mbajë të mbërthyer Korçën ashtu si pjesën më të madhe të vendit.

Në 24 orët e fundit nuk ka pasur reshje bore dhe moti është i kthjellët, ndërsa temperaturat janë ende disa gradë nën zero, mesatarja -10 gradë.

Në akset nacionale Korçë-Ersekë; Ersekë-Leskovik, por edhe në segmentet rrugore Korçë –Voskopojë dhe Korçë- Dardhë vijon qarkullimi i mjeteve pa probleme, ndërsa rekomandohet përdorimi i gomave dimërore.

Kontraktorët ndodhen në terren për të bërë të mundur kriposjen e rrugëve për mos krijimin e gjurmëve të akullit.

Në qarkun Korçë ka pasur rreth 13 raste me fraktura nga rënia në akull.

Rruga Press