“Kam ditëlindjen, çfarë do ti?” Takimi i Veliajt me Shoqatën Rajonale të Futbollit u shit si festë private

Ky është momenti para nisjes së takimit të fshehtë të Veliajt me anëtarët e Shoqatës Rajonale të Futbollit në Tiranë në një nga hotelet në qendër të Tiranës.

Gazetari Isa Myzyraj  zuri vend në sallë duke filmuar por një prej organizatorëvei tërhoqi vëmendjen se nuk lejohet filmimi se është private.

Me arrogancë ai vazhdoi: Kam unë ditëlindjen, çfarë do ti?

Me këtë sjellje kryebashkiaku i Tiranës edhe një herë tregon se nuk pranon mediat kur ka aktivitete zyrtare dhe jo zyrtare.

Në takimin që zgjati për rreth një orë, mësohet se pjesëmarrësve u është kërkuar të firmosin një deklaratë, e cila deri më tani është mbajtur e fshehtë.

Vetë Erion Veliaj ka preferuar që të futet nga dera dytësore e hotelit, por kamera e ka regjistruar teksa ai ka dalë.

Mbledhja është zhvilluar vetëm një ditë para se kjo Shoqatë të votojë për 6 delegatët që do të kenë të drejtën e votimit në dy mars për presidentin e FSHF.

Më herët në media është raportuar se Veliaj duke folur ne emër të SPAK dhe Prokurorisë do të kërkojë hetime për kreun e FSHF-së Armand Duka.

Rruga Press