Kalimet në Kanalin anglez: Dhjetëra fëmijë shqiptarë zhduken

Pothuajse 20% e fëmijëve emigrantë të pashoqëruar nga Shqipëria të marrë nën kujdes nga Këshilli i Qarkut të Kentit këtë vit, janë zhdukur, ka zbuluar BBC.

Autoriteti britanik ka marrë deri më 31 tetor, 197 fëmijë shqiptarë, 39 prej të cilëve janë zhdukur.

“Ecpat UK”, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese.

Këshilli tha se kishte punuar ngushtë me Zyrën e Brendshme dhe policinë për të mbrojtur fëmijët e cenueshëm.

Këshilli tha se 197 fëmijë shqiptarë të cilët ishin në sistemin e procedimit në njësinë e pranimit në Kent, u morën nën kujdesin e tij nga 1 janari deri më 31 tetor.

Lexo më shumë  Aplikacioni "Aktiv1st"/ Administrata në Shqipëri vihet në rresht vetëm për "like" dhe "share" të propagandës qeveritare

Ai shtoi se deri më 7 nëntor, 39 ishin regjistruar si të zhdukur. Megjithatë, tha se disa nga ata fëmijë do të kishin mbushur 18 vjeç deri atëherë.

Shifrat e qeverisë të mbledhura nga BBC-ja tregojnë se 44,122 njerëz kanë kaluar me varka të vogla deri më tani këtë vit, krahasuar me 28,461 që mbërritën më 2021.

Kjo kontribuoi në mbipopullimin në qendrën e procedimit Manston në Kent.

Për Këshillin e Qarkut të Kentit, mosdija e vendndodhjes së 39 fëmijëve për të cilët kishte detyrë të kujdesej, është shumë shqetësuese.

Lexo më shumë  Hyri në administratë me apartament 47 metër katror, doli me disa shtëpi të tjera! Si ndryshoi pasuria e Alda Klosit në 6 vite

Rruga Press

YouTube player

Leave a Reply

Your email address will not be published. Required fields are marked *

AlbanianEnglishFrenchGermanItalianPortuguese