Ka viktima në spitalin e djegur në Tetovë!

Ujkan Rrahmani është njëri nga të shtrirët në Spitalin e Tetovës.

Duke mos qenë në gjendje të flasë me kamerë, ai arriti që për TV21 të konfirmojë vetëm se ka viktima nga zjarri që e kaploi spitalin mobil të Tetovës me Covid-19.

Thotë se deri në momentin sa fliste me ne, nga spitali janë nxjerrë 13 persona, mes tyre pacientë dhe personel mjekësor.

“Viktima ka, por numri i sakt nuk dihet. 13 persona kanë nxjerr prej brenda. Ka edhe të lënduar, disa janë në repartin intern, disa në kirurgji”, tha Rrahmani për TV21.

Thotë se numri i përgjithshëm i të pranishmëve në spitalin mobil ka qenë prej 80 deri në 90 persona.

Zyrtarisht, asnjë institucion nuk ka raportuar për numrin e të lënduarve dhe viktimave.

Ministri dhe zëvendësministri i Shëndetësisë, Venko Filipçe dhe Ilir Hasani janë tashmë në Tetovë nga ku situatën nga afër.

Raportohet se zjarri është denoncuar në ora 21:15 dhe se për pak minuta gjithçka është shkatërruar.