Jep dorëheqjen ndihmësja e pestë e Boris Johnson për skandalin e festave

Vala e dorëheqjeve në zyrën e kryeministrit britanik Boris Johnson vazhdoi të premten pas skandalit të festës në Downing Street.

Elena Narozanski, u bë ndihmësja e pestë që dha dorëheqjen. Ajo ishte një këshilltare speciale e Johnson për ekstremizmin e grave dhe barazive.

Narozanski u dërgoi e-mail rreth 100 njerëzve duke i ftuar ata në një festë me pije në maj 2020.

“Kryeministri i falënderoi ata për kontributin e tyre të rëndësishëm në qeveri, duke përfshirë punën e tyre për pandeminë dhe rimëkëmbjen ekonomike”, tha një zëdhënës në një deklaratë.

Skandali i festimeve e ka dobësuar pushtetin e Johnson.

Lideri i opozitës britanike, Sir Keir Starmer ka deklaruar se qeveria është e paralizuar për shkak të skandalit të festave në Britani.

Sipas tij, qeveria nuk po funksionon normalisht pasi është në pritje të raportit hetimor mbi festat e mbajtura në Downing Street. Ai bëri thirrje për publikimin sa më parë të raportit të udhëhequr nga Scotland Yard.

Rruga Press