Japonia në bisedime me SHBA-në dhe Evropën për të ndaluar importimin e naftës ruse

Japonia, e cila numëron Rusinë si furnizuesin e saj të pestë më të madh të naftës së papërpunuar, është në diskutime me Shtetet e Bashkuara dhe vendet evropiane rreth ndalimit të mundshëm të importeve të naftës ruse, raportoi Kyodo News.

Raporti vjen pasi Sekretari i Shtetit i SHBA Antony Blinken tha të dielën se Shtetet e Bashkuara dhe aleatët evropianë po e konsiderojnë si mundësinë.

I pyetur për një embargo të mundshme ndaj importeve të naftës ruse, shefi i kabinetit japonez Hirokazu Matsuno nuk pranoi të komentojë mbi komunikimin e vendit me Shtetet e Bashkuara. Rusia përbënte 3.63 për qind të importeve të naftës së papërpunuar të Japonisë vitin e kaluar.

Ndërsa sanksionet e vendosura ndaj Rusisë nuk pritet të ndikojnë drejtpërdrejt në aftësinë e Japonisë për të siguruar një furnizim të qëndrueshëm të gazit natyror të lëngshëm (LNG), ato mund të ndikojnë indirekt në projektet e lidhura me energjinë, tha Ministri i Industrisë Koichi Hagiuda.

Rruga Press