Ish-udhëheqësi i opozitës ruse tregon nga qelia: Të burgosurve u shqyejnë thonjtë

 Udhëheqësi i opozitës ruse, Alexei Navalny, i burgosur, ka frikë se do të dërgohet në një burg ‘torturues’ të njohur për dhunën seksuale kur dënimi i tij i ri të hyjë në fuqi.

“Kam dëgjuar thashetheme se do të transferohem në koloninë e sigurisë së lartë në Melekhovo, ku të dënuarve u hiqen thonjtë”, -shkroi ai në llogarinë e tij në Twitter.

Sipas Daily Mail, burgu ku ai do të kryej dënimin Melekhovë njihet për rrahjet brutale dhe përdhunimet e të burgosurve meshkuj.

Navalny ka kaluar një vit pas hekurave, pasi i mbijetoi një sulmi helmues për të cilin fajëson Kremlinin. Në muajin shkurt ai doli në gjyq me akuza të reja që mund të rrisin kohën e tij të burgut për më shumë se një dekadë. Ai qëndroi për disa kohë në një spital jashtë vendit dhe sapo u kthye në Rusi u arrestua.

Navalny u dënua me nëntë vite të tjera në një burg të sigurisë maksimale në mars.

Rruga Press