Ish-diplomati serb: Të gjithë kuptojnë lojën e dyfishtë të Vuçiqit

Dushko Lopandiq një politikan, profesor universitar, shkrimtar dhe ish-diplomat serb, në RTV, ka thënë se presidenti i Serbisë, Aleksandar Vuçiq, po “zhonglon mes Lindjes dhe Perëndimit”.

“Vuçiq nuk ka shkuar në Samitin e BRICS, por ka dërguar katër ministra dhe kjo mbulohet nga këto vizita të zyrtarëve evropianë. Përveç vizitës shtetërore, ka edhe një arsye tjetër për vizitën e tyre, ajo është për të parë se ku po shkon kryesia e SNS-së, ideologjikisht. Të gjitha janë taktika politike. Gjëja më e rëndësishme është se ku po shkon ky vend”, tha Lopandiq.

“SB” ka shkruar për lojën e dyfishtë të Aleksandar Vuçiqit, i cili nuk shkoi në Rusi për t’u “përlyer sytë” zyrtarëve nga Brukseli, ndërsa presidentit të Rusisë i dërgoi mesazh “të fshehur” në ndeshjen e Leskovcit.

Përkatësisht, Vuçiq, duke festuar fitoren e Serbisë, ka nxjerrë nga xhepi flamurin serbo-rus dhe në atë mënyrë i ka dërguar mesazh të qartë presidentit të Rusisë, të cilin e admiron, siç e ka konfirmuar së fundmi edhe i deleguari i Vuçiqit për Rusi, Aleksandar Vulin.G.E.

Rruga Press