Ish-ambasadori holandez i reagon Hill-it: Si mundet një ambasador të injorojë publikisht atë që po ndodh?

Ish-ambasadori i Holandës në Kosovë, Robert Bosch ka reaguar ashpër ndaj ambasadorit amerikan në Serbi, Christopher Hill, pasi ky i fundit e mbështeti Aleksadar Vuçiqin dhe e cilësoi atë si një partner të mirë.

Bosch në një postim në Facebook tha se është e trishtueshme ta lexosh këtë deklaratë të ambasadorit Hill.

Ai ia rikujtoi ambasadorit amerikan, se ishte pikërisht Vuçiqi që e minoi marrëveshjen e Ohrit.

“E trishtueshme të lexosh atë që tha ambasadori Hill.

Të gjithë e dinë se Vuçiqi nuk është vetëm antidemokratik, por edhe i pari përgjegjës për të gjitha tensionet në të gjithë Ballkanin. Se ai e minoi dhe denoncoi menjëherë marrëveshjen e Ohrit duket se nuk llogaritet! Si mundet një ambasador të shkojë në vend dhe të injorojë publikisht atë që po ndodh? Shumë e trishtueshme vërtet”, shkroi ndër të tjera Bosch.

Rruga Press