“Investitorët strategjik”/ Sot diskutohet heqja e mandatit të Olta Xhaçkës

Ditën e sotme do të, do të zhvillohet mbledhja e Këshillit për Rregulloren, Mandatet dhe Imunitetin, në Kryesinë e Kuvendit.

Në mbledhje do të diskutohet ndjekja e procedurës parlamentare për konstatimin e pavlefshmërisë dhe mbarimit te mandatit të deputetes Olta Xhaçka, e cila është njëkohësish Ministre e Punëve të Jashtme në qeverinë e Shqipërisë.

Nuk dihet nëse deputetja Xhaçka do të jetë e pranishme apo jo.

Mbledhja e këshillit vjen pas kërkesës së 14 deputetëve të PD që kanë kërkuar dërgimin në Gjykatën Kushtetutese të mandatit të deputetes për shkak se sipas tyre, ajo ka përfituar, nëpërmjet bashkëshortit të saj, statusin e investitorit strategjik, duke marrë në përdorim pasuri publike.

Mocioni u depozitua  nga deputetët e PD-së të cilët kanë kërkuar ndjekjen e procedurës parlamentare për konstatimin e pavlefshmërisë dhe mbarimit të mandatit të deputetit për ministren për Evropën dhe Punët e Jashtme.

Rruga Press