Inteligjenca norvegjeze: Rusia ka vendosur anije me armë bërthamore në Baltik

Rusia ka filluar vendosjen e anijeve taktike të armatosura bërthamore në Detin Baltik për herë të parë në 30 vjet, ka thënë shërbimi i inteligjencës norvegjeze në raportin e tij vjetor.

“Pjesa kryesore e potencialit bërthamor është në nëndetëset dhe anijet e Flotës Veriore”, vuri në dukje raporti.

Anijet luftarake të Flotës Veriore u lëshuan rregullisht në det me armë bërthamore gjatë epokës së Luftës së Ftohtë, por kjo është hera e parë që Federata moderne Ruse ka bërë të njëjtën gjë, shtoi raporti.

Teksa Rusia ka gjithashtu aftësi nëndetëse, armë anti-satelite dhe aftësi kibernetike që mund të kërcënojnë Norvegjinë dhe aleancën ushtarake të NATO-s, armët bërthamore taktike janë “kërcënim veçanërisht serioz në disa skenarë operacionalë në të cilët mund të përfshihen vendet e NATO-s”, sipas raportit.

Inteligjenca norvegjeze gjithashtu ka theksuar se nuk mund të përjashtohet një përshkallëzim i një lufte të lokalizuar në një konflikt më të gjerë që përfshin Shtetet e Bashkuara, NATO-n dhe Norvegjinë.

Agjencia vlerësoi se Rusia do të vazhdojë të ruajë, modernizojë dhe zhvillojë arsenalin e saj bërthamor, por se nuk priten ndryshime të rëndësishme në doktrinën bërthamore ruse në vitet e ardhshme.

Rruga Press