INSTAT: 11.5 % më pak turistë se në vitin 2019
Nga Erblina Mile
Turizmi shqiptar ende nuk i është rikthyer situatës para pandemisë.Të dhënat e Instat tregojnë se gjatë periudhës janar-tetor në vend kanë hyrë 5.1 milion shtetas shifër kjo 11.5% më pak nëse e krahasojmë me periudhën para pandemisë.
Ndërkohë që gjatë 2019 në vend përgjatë të njëjtës periudhë janë regjistruar 5.8 milion shtetas të huaj. Peshën kryesore në këtë shifër e mbajnë kosovarët me 48 % duke pësuar rritje në krahasim me kontributin që kanë dhënë në vitin 2019.
Hyrjet e shtetasve nga Greqia kanë pësuar rënien më të madhe me 57% e ndjekur nga Italia dhe Maqedonia e Veriut. Por nëse bëjmë një vlerësim të numrit të turistëve si dhjetëmujor me vitin 2020 që ishte edhe kulmi i pandemisë dhe shumë shtete kishin kufizime të forta përfshirë edhe Shqipëria, numri i shtetatsve të huaj u rrit me 2,2 herë.
Përgjatë dhjetëmujorit të 2021, vendet që kanë hyrjet më të larta të shtetasve në Shqipëri janë Polonia e cila ka pasur rritjen më të madhe me 4,6 herë dhe Spanja me 4,4 herë, krahasuar me të njëjtën periudhë të vitit 2020.
Rruga Press