Inspektorati Policor i Kosovës hap zyra të reja në Mitrovicën e Veriut

July 18, 2025 user 1

Inspektorati Policor i Kosovës ka hapur sot zyrat e reja në Mitrovicën e Veriut. Përkatësisht zyra është hapur në lagjen e Boshnjakëve, në rrugën “Çlirimi” në objektin e Ministrisë së Punëve të Brendshme.

Si përmirësim të shërbimeve dhe forcim të besimit të qytetarëve në sundim të ligjit e kanë parë këtë hap, ministri i Brendshëm, Xhelal Sveçla dhe kryeshefi i IPK-së, Kushtrim Hodaj.

Lexo më shumë Prokuroria: Autori i shpërthimit në Ibër-Lepenc, pjesë e shërbimit të inteligjencës ushtarake të Serbisë”. FBI konfirmon provat

“Përgjatë viteve, IPK ka ofruar shërbime në Mitrovicën e Veriut që nga hapja e zyrës së parë në vitin 2015, e vendosur deri dje në një objekt me qera në rrugën ‘Mbreti Peter’.

Zyrat e reja të IPK-së në Mitrovicën e Veriut do të funksionojnë në shërbim të qytetarëve nga e hëna deri të premten, nga ora 08:00 deri në orën 16:00”, thuhet në komunikatën për media.

Lexo më shumë Prokuroria i ngren aktakuzë për falsifikim të dokumenteve zyrtare Nexhat Fazliut, teksa “gazetari” Mehmetaj tentoi ta manipulojë opinionin publik duke e shpallur “hero”

Rruga Press