I shiti vajzën për $15 mijë, ai e telefonon pas dasmës: I preva fytin, eja merre

AUSTRALI – Nëna e një gruaje të re afgane, e cila u vra nga burri i saj, është akuzuar se e detyroi vajzën e saj në një martesë me zor për një pagesë prej 15,000 dollarësh.

Sipas Daily mail, Sakina Muhammad Jan, 45 vjeç, akuzohet se e shiti të bijën në një martesë të detyruar dhe do të dalë para gjykatës. Policia thotë se ajo i bëri presion vajzës së saj Ruqia Haidari, 21 vjeç, për t’u martuar me shoferin 25-vjeçar, Mohammad Ali Halimi, në nëntor 2019. Çifti u takua vetëm katër herë përpara se të martoheshin para qindra të ftuarve jashtë Shepparton,180 km në veri të Melburnit.

Martesa u përkeqësua shpejt pasi çifti fluturoi në anën e kundërt të Australisë për në Perth, vetëm dhjetë ditë pasi Haidari mbaroi shkollën vitin e kaluar në Kolegjin McGuire. Vajza e re në mënyrë të përsëritur kundërshtoi përpjekjet e të shoqit për të kryer marrëdhënie me të, ndaj ai telefoni vëllain e saj disa herë i zemëruar.

Më 18 janar, Muhamed Taqi Haidari, i vëllai dëgjoi teksa dyshja debatonin duke mos e kuptuar se do të ishte hera e fundit që do dëgjonte zërin e motrës së tij. Ai e telefonoi sërish kunatin duke i thënë të vinte të merrte trupin e së motrës. Halimi kishte marrë një thikë inoxi nga kuzhina dhe i preu fytin dy herë vajzës.

“Nëse je burrë, eja merr trupin e pajetë të motrës, ja kam prerë fytin”, i tha ai.

Ai u dënua me burgim të përjetshëm në fillim të këtij viti. Haidari dhe familja e saj kishin ikur nga Afganistani për në Australi kur ajo ishte 16 vjeç, duke kërkuar një jetë më të mirë për veten e tyre. Martesa e detyruar konsiderohet një formë e skllavërisë në Australi dhe një vepër penale, por askush nuk është dënuar ndonjëherë për orkestrimin e një martese të detyruar aty.

Rruga Press