I kërkuar për sulmin ndaj KFOR-it gjatë vitit 2023, vihet në pranga një serb në Kosovë

June 20, 2024 User2

Policia e Kosovës ka arrestuar mbrëmë në Bistricë një person të dyshuar qytetar serb, për përfshirje në sulm ndaj pjesëtarëve të KFOR-it, ngjarje që ka ndodhur në maj të vitit 2023 në Zveçan.

Lajmin e ka konfirmuar për RTK zëvendësdrejtori i Policisë së Kosovë në Veri, Veton Elshani. Ai ka thënë se i dyshuari ishte në kërkim dhe se aktualisht po intervistohet nga hetuesit e krimeve të rënda.

Lexo më shumë Kurti: S’po kërkojmë rrugë të shkurtra, as derë të pasme, vetëm proces meritor për integrim në BE

“Sonte rreth orës 19.15 në pikën e kontrollit në Bistricë është ndaluar një person me inicialet L.D. që ishte në kërkim në lidhje me rastin e 29 Majit 2023 ku ishin lënduar 93 zyrtar të KFOR-it. I njëjti është duke u intervistuar në Mitrovicë në Stacionin policor në Jug. Ai po intervistohet nga ana e hetuesve të krimeve të rënda në Prishtinë dhe pas intervistimit do të vendoset për hapat e mëtejme”, ka thënë Elshani.

Lexo më shumë Skandal me ish-këshilltarin e Vuçiqit - policët dogjën trupin e një mafiozi, ndërsa shefi i tyre fshinte incizimet

Rruga Press