Hyseni: Kosova është duke avancuar dhe përmbushur kriteret e NATO-s

July 8, 2024 user 1

Deputeti i Kuvendit të Kosovës nga radhët e Lëvizjes Vetëvendosjes, Driton Hyseni, njëherësh kryesues i delegacionit të Kosovës në asamblenë parlamentare të NATO-s, në ‘Info Plus” të RTK-së tha se Kosova është duke avancuar dhe përmbushur kriteret e NATO-s nga niveli, siç tha ai, i shpenzimeve që vendet anëtare janë duke dedikuar për sektorin e mbrojtjes.

Hyseni po ashtu tha se Forca e Sigurisë së Kosovës është po avancon në aspektin teknologjik, qoftë në aspektin e përgatitjes së ushtarëve, certifikimit, sipas standardeve të NATO-s.

Hyseni ka folur edhe për Samitin e NATO-s që do të mbahet në Uashington nga datat 9 deri më 11 korrik.

Lexo më shumë Goditja e SPAK ndaj grupit të dyshuar për trafik kokaine nxjerr në skenë emrin e Samir Manes, dyshime për negociata miliona euro për një projekt në Palasë

Ai tha se në këtë samit, me gjasë, në fokus do të jenë zhvillimet globale që lidhen me sigurinë, e sidomos, sipas tij, një vend të veçantë do të zë lufta në Ukrainë.

Sipas tij tema të tjera me peshë e që do të marrin vëmendje në këtë Samit do të jenë niveli i shpenzimeve të anëtarëve të NATO-s dedikojnë për forcat e tyre mbrojtëse.

“Një pjesë e Samitit do t’i kushtohet forcave mbrojtëse të anëtarëve të NATO-s, niveli i shpenzimeve, avancimin teknologjike të forcave të tyre, zhvillimet e reja teknologjike, por edhe për buxhetin e mbrojtjes një pjesë e të cilit do të fokusohet në kërkim dhe zhvillim të teknologjive të raja, qoftë për parandalimin e luftërave por edhe për një nivel sa më të lartë të mbrojtjes të vendeve aleate dhe vetë aleancës së NATO-s”, tha Hyseni.

Lexo më shumë Kush janë 20 personat e dosjes së SPAK? Emrat e grupit që trafikonte kokainë nga Amerika Latine drejt Europës

Ai tha se Ballkani Perëndimorë për NATO-n konsiderohet një territor me një rëndësi të veçantë dhe se në çdo samit të NATO-s do të përfshihet doemos çështja e Ballkanit Perëndimor.

Rruga Press