Humbja e mostrave të gjākut në IML, nëna e Astrit Deharit: Për mua ka qenë vdēkjē e dytë e djalit

March 3, 2023March 3, 2023 user 1

Nëna e të ndjerit Astrit Dehari, Xhemilja ka folur sërish për humbjen e mostrave të gjakut nga laboratorët e Institutit të Mjekësisë Ligjore.

Në Debat Plus të RTV Dukagjinit ajo thotë se gjaku i Astritit ka qenë i përdorshëm pasi është marrë nga institute zviceran, por sipas saj ka qenë tronditëse humbja e gjakut nga IML.

“Këtë vit u dha lajmi se paskan humbur mostrat e gjakut. Unë them është vjedhur gjaku. Për mua personalisht kjo ka qenë vdekja e dytë për Astritin. Unë nuk e di si mund të konsiderohet ndryshe pos vdekje kur dikujt i vidhet gjaku”.

Lexo më shumë Eurostat: Shqipëria e pesta në Europë për numrin e të burgosurve në raport me popullsinë

Xhemile Dehari thotë se detajet e humbjes së këtij gjaku kurrë nuk i ka mësuar, por ajo thotë se ka disa pikëpyetje.

“A thua është kontrolluar ai gjak që nga dërgimi në Zvicër? A është kthyer ai nga Zvicra? U tha se në laborator kanë qenë tre veta që kanë emër e mbiemër. Prokurori thonë se i ka marrë në pyetje, por ne nuk kemi info pasi nuk jemi takuar pothuajse kurrë me prokurorin”.

Lexo më shumë Kurti: Strategjia për ujë siguron menaxhim me nevojat shtetërore

Nëna e Astrit Deharit thotë se ka pritur dorëheqje morale edhe nga punëtorët tjerë të IML pas humbjes së mostrave.

“Edhe pas atyre që kanë ndodhur, ato punëtore kanë guxim të shkojnë e të punojnë në ato laboratore, deklaroi tutje Xhemile Dehari.