Historike – Kosova i mbyll Lojërat Mesdhetare Oran 2022 me gjashtë medalje të fituara
Kosova ka përfunduar garat në Lojërat Mesdhetare Oran 2022, ku fitoi gjashtë medalje, tri të arta dhe tri të bronzta.
Nga 25 qershor garuesit tonë ishin në Oran të Algjerisë, ku 39 sportistë tentuan të fitojnë gara.
Në gjithsej Kosova fitoi gjashtë medalje, pesë medalje u fituan nga xhudo dhe një e bronztë nga boksi.
Të arta fituan Distria Krasniqi, Laura Fazliu dhe Loriana Kuka, ndërsa Flaka Loxha, Akil Gjakova dhe Shpëtim Bojku u stolisën me medalje të bronztë.
Garuesi i fundit për Kosovën ishte notari Alush Telaku, që garoi sot në disiplinën 100 metra delfin, ku përfundoi në vendin 19.
Pjesa e mbetur e ekipit do të niset për Kosovë të mërkurën mbrëma, menjëherë pas ceremonisë mbyllëse.
Rruga Press