HIMARSi po bën gjëmën, Rusisë i vriten edhe dy prej pilotëve elitarë
Rusia ka mbetur pa dy nga pilotët më të mirë, pasi u vranë nga një raketë ukrainase, shkroi “DailyMail” të hënën.
Maksim Potyomin dhe Anatoly Stasyukevich u vranë më 8 korrik në Donetsk, pas sulmit me raketa amerikane të sistemit HIMARS.
Potyomin, 41-vjeçar, ishte pilot luftarak me gradën e nënkolonelit, ashtu sikur edhe Stasyukevich.
Vrasja e tyre, sipas mediumit britanik u bë e ditur ditë më parë, teksa sulmi me HIMARS u bë publik në fundjavë, nga babai i Potyominit, Aleksey.
“Makina e djalit tim u godit nga një raketë HIMARS”, deklaroi Aleksey, që mban postin e kryetarit të Federatës Rajonale të Parashutizmit në Volgograd.
Në sulm mbeti i vrarë edhe nënkoloneli Sergei Mikhaylov, që komandonte një batalion.
Vrasja e kësaj treshe është ndër të shumtat që i janë shkaktuar Rusisë nga sistemet HIMARS të dhuruara nga SHBA-ja.
Ukraina ka gjithsej 16 sisteme të tilla në dispozicion.
Rruga Press