Hapen portat e Shkopetit, prurjet dëmtojnë këmbët e urës së Zogut në lumin Mat
Portat e HEC-it në Shkopet janë hapur sërish, pasi prurjet në lumin Mat janë shtuar. Portat janë hapur natën e kaluar dhe për shkak të prurjeve të mëdha janë dëmtuar dy këmbët e urës së Zogut pranë Milotit.
Njëra strukturë e urës ka rënë afër dy metër, ndërsa këmbët e saj ishin të dëmtuara edhe nga prurjet e mëdha vitin e kaluar.
Kompania Kurum hapi portat për të shkarkuar prurjet edhe pak ditë më parë, pa njoftuar banorët e zonave të rrezikuara dhe pa dijeninë e autoriteteve përkatëse.
Ura e Zogut është braktisur dhe e lënë në harresë prej disa dekadash. Ajo është shpallur “Një nga 7 monumentet në rrezik” nga Europa Nostra, 2022.
Aktualisht ende kërcënohet nga neglizhenca dhe ndikimi shkatërrues i shirave të dendur gjatë ditëve të fundit.
Rruga Press