Hakmerret Rusia, mbyll transmetuesin gjerman Deutsche Welle

Rusia ka thënë të enjten se po mbyllte operacionet e transmetuesit gjerman Deutsche Welle në përgjigje të ndalimit të Berlinit për transmetuesin rus RT DE.

Ministria e Jashtme e Rusisë ka thënë në një deklaratë se do të mbyllte zyrën ruse të Deutsche Welles, do t’i hiqte akreditimin e të gjithë stafit të saj, do të ndalonte transmetimin e kanalit në territorin rus dhe do të fillonte procedurat për shpalljen e televizionit si “agjent i huaj”, një emërtim që mbart një konotacion negativ të epokës sovjetike.

Ministria e Jashtme ruse ka thënë se do të ndalojë gjithashtu hyrjen në Rusi për zyrtarët gjermanë të përfshirë në masën për të ndaluar transmetimin e RT DE.

Mosmarrëveshja vjen mes tensioneve më të gjera me Perëndimin për Ukrainën, të cilat janë një provë e hershme e marrëdhënieve politike midis Berlinit dhe Moskës, pasi kancelari gjerman Olaf Scholz mori detyrën në dhjetor.

Kremlini ka thënë më herët të enjten se udhëtim i Scholz në Moskë ishte në rend dite, por se një datë nuk ishte ende e konfirmuar.

Mbikëqyrësi i medias MABB i Gjermanisë dhe Komisioni për Licencim dhe Mbikëqyrje (ZAK) i institucioneve të medias thanë këtë javë se RT DE nuk mund të transmetonte në Gjermani duke përdorur një licencë serbe.

Rruga Press