Gruaja e Navalnyt flet nga Munihu: Nuk e di a ta besoj lajmin për vdekjen e tij

Bashkëshortja e Alexei Navalnyt, Yulia, gjendet në Konferencën e Sigurisë në Munih.

Pas pasi doli lajmi se Navalny ka vdekur në burg, Yulia është parë duke u futur në sallë ku po fliste zëvendëspresidentja e SHBA-së, Kamala Harris.

E pas Harrisit, Yulias i është dhënë fjala. Ajo është parë në skenë me lot në sy.

“Mendova shumë, mendova nëse duhet të qëndroja këtu para jush apo të shkoja te fëmijët e mi. Pastaj mendova çfarë do të bënte Alexei në vendin tim dhe jam e sigurt se ai do të ishte këtu në këtë skenë. Nuk e di a duhet ta besojmë lajmin e tmerrshëm që e kemi marrë vetëm nga mediat sepse për shumë vjet kemi qenë në këtë situatë, ne nuk e besojmë Putinin dhe qeverinë e tij. Ata gënjejnë vazhdimisht. Nëse është e vërtet, do doja që Putini dhe të gjithë rreth tij dua ta di se ata janë ndëshkuar për atë që i kanë bërë vendit tim, familjes sime dhe burrit tim”, ka thënë ajo para të pranishmëve.

Rruga Press