Gruaja e “ashpër” e Kremlinit: siç nuk e keni parë…
Ka bërë bujë orët e fundit në rrjetet sociale një postim i zëdhënësesë së “e ashpër” të Kremlint, më saktë, Maria Zakharovas së Ministrisë së Jashtme ruse.
Në llogarinë e saj personale në Telegram, ajo ka postuar një video që zgjat rreth tre minuta, të cilën e ka “ngarkuar” në mes të luftës, ku ajo është protagoniste me deklarimet e saj “luftarake”.
E vëshur me një fustan me lulka dhe me një fjongo të kuqe në flokë, krejt tjetër nga pamja e saj zyrtare, Zakharova shikon luleshtrudhe në një mënyrë tejet sensuale, duke dashur të tregojë se ka filluar korrja e tyre në Rusi.
Në të njëjtën kohë, pas saj dëgjohet kënga klasike ruse “Kalinka”.
Përdoruesit ukrainas nuk e humbën rastin dhe “sulmuan” Zakharovën në rrjetet sociale duke e quajtur “të dehur”, ndërsa të tjerë shkruan se përfaqësuesja e Ministrisë së Jashtme ruse po “tallte” Perëndimin me këtë video, duke dashur të tregojë se si është kjo stinë në Rusi ndërsa Evropa po përballet me krizën energjetike.
Rruga Press