Google shkarkon inxhinierin që tha se sistemi i inteligjencës artificiale ka ndjenja

July 23, 2022 user 1

Google ka shkarkuar një nga inxhinierët e saj, i cili tha se sistemi i inteligjencës artificiale (Al) të kompanisë ka ndjenja, shkruan BBC të shtunën.

Muajin e kaluar, Blake Lemoine doli publikisht me teorinë e tij se teknologjia gjuhësore e Googles është e ndjeshme dhe prandaj duhet të respektohen dëshirat e saj.

Google dhe disa ekspertë të AI mohuan pretendimet dhe kompania konfirmoi se Lemoine ishte shkarkuar.

Lexo më shumë Ministrja e Jashtme gjermane: Rusia do të mbetet kërcënimi më i madh i sigurisë në Evropë

Lemoine i tha BBC-së se po merr këshilla ligjore dhe për momentin s’ka asnjë koment.

Në një deklaratë, Google ka thënë se pretendimet e Lemoinet në lidhje me Modelin e Gjuhës për Aplikacionet e Dialogut (Lamda) ishin krejtësisht të pabaza dhe se kompania punoi me të për shumë muaj për ta sqaruar këtë.

“Pra, është për të ardhur keq që pavarësisht angazhimit të gjatë në këtë temë, Blake zgjodhi të shkelte vazhdimisht politikat e qarta të punësimit dhe të sigurisë së të dhënave që përfshijnë nevojën për të mbrojtur informacionin e produktit”, thuhet në deklaratë.

Lexo më shumë NATO zgjeron praninë civile në Ukrainë

Lamda është një teknologji përparimtare që Google thotë se mund të përfshihet në biseda të lira. Është mjeti i kompanisë për ndërtimin e chatbots.

Rruga Press