Goditet banda e trafikut të drogës në Francë, arrestohen katër persona, mes tyre tre shqiptarë

Një bandë e trafikut të drogës është goditur nga Policia franceze, pas një hetimi i cili ka nisur në fillim të këtij viti.

Në pranga janë vënë katër persona, mes tyre tre shqiptarë të njohur në fushën e trafikut të drogës. Gjithashtu nga ky operacion janë sekuestruar 12 kg heroinë.

Drejtori i sigurisë Clermont-Ferrand ka bërë me dija se goditja e trafikut të drogës është një nga prioritetet kryesore dhe se policia do të vijojë të bëjë detyrën e saj për të parandaluar këtë fenomen.

Sakaq përveç drogës, policia franceze ka sekuestruar edhe bazën logjistike të trafikantëve të heorinës, një pistoletë, 3000 euro para të gatshme, pajisje për shitjen e drogës si dhe rreth 1.5 kg heroinë shtesë.

Rruga Press