Gjykata e Lartë firmos sot për fatin e ish-ministrit të Brendshëm Saimir Tahiri, SPAK e akuzon për trafik droge

Ish-ministri i brendshëm Saimir Tahiri dhe ish-kreu i policisë së Vlorës, Jaeld Çela dalin sot para Gjykatës së Lartë. Si ish-ministri dhe ish-polici kundërshtojnë vendimin e Gjykatës së Apelit për Krime të Rënda, për rikthimin e çështjes së tyre për rigjykim.

Gjykata e shkallës së parë e dënoi Tahirin më 3 vjet shërbim prove për shpërdorim detyre, një akuzë që nuk ishte ngritur nga Prokuroria.

Gazetarja Klodiana Lala raportoi për “BalkanWeb” se sot në orën 10:00 një treshe gjykuese pritet të shqyrtojë kërkesën e bërë nga Tahiri dhe Çela, por nga ana tjetër dhe kërkesën e SPAK, që e ka akuzuar për trafik droge.

Tahiri ka mbërritur në Gjykatën e Lartë i shoqëruar nga avokati Maksim Haxhiaj. Ish-drejtori Çela i cili ndodhet në paraburgim nuk është shoqëruar në ambientet e Gjykatës së Lartë. Ai përfaqësohet nga dy avokatët e tij. Gjykata e Lartë nuk ka lejuar prani të gazetarëve, duke u justifikuar me masat anti-covid. Pas insistimit të mediave është lejuar një gazetar si përfaqësues i tyre.

Rruga Press