Gjukanoviç thirrje zyrtarëve evropianë: Mbroni Ballkanin Perëndimor nga ndikimi i palëve të treta

Presidenti i Malit të Zi, Milo Gjukanoviç u shpreh se Ballkani Perëndimor ka nevojë për mbrojtje më vendimtare nga ndikimi i palëve të treta.

Gjukanoviç theksoi nevojën për një nxitje dhe angazhim të qartë për vendet e Ballkanit Perëndimor për t’u anëtarësuar në BE dhe kërkoi “mbrojtje më të vendosur dhe më të menduar të rajonit nga ndikimi malinj i palëve të treta, i cili nuk është vetëm në Ballkanin Perëndimor por edhe në Evropë”.

SKëto deklarata të Gjukanoviçit erdhën gjatë një takimi me anëtarët e delegacionit të Këshillit Evropian për Marrëdhëniet me Jashtë të cilët janë në një vizitë studimore në Mal të Zi dhe në rajon.

Në një komunikatë të Kabinetit të Presidentit malazez thuhet se zyrtarët evropianët kanë shprehur interesim për pikëpamjen e Gjukanoviçit për situatën në Mal të Zi dhe rajon, mundësitë për zgjidhjen e krizave të brendshme politike, por edhe marrëdhëniet dhe pasojat gjeopolitike.

Në komunikatë thuhet se Gjukanoviç u konfirmoi përfaqësuesve të Këshillit se diskutimet mbi rajonin janë të rëndësishme për stabilitetin e Evropës, por edhe për fuqinë dhe prestigjin e mëtejshëm të NATO-s.

Rruga Press