Lajme

GJKKO dënon me 3 vite burg ish-gjyqtaren e Krujës, Enkelejda Hoxha

GJKKO dënon me 3 vite burg për korrupsion ish-gjyqtaren e Krujës, Enkelejda Hoxhën.  Ajo do të përfitojë uljen e 1/3 të dënimit për shkak se i është pranuar gjykimit të shkurtuar, pra dënimi ulet në 2 vite. GJKKO dënon me 4 vite burg edhe avokatin Aldo Tabaku, i cili kishte dhe rolin e sekserit. Enkelejda Hoxha u arrestua në 11 shkurt 2021 në Gjykatën e Krujës, do lironte një të dënuar për 12 mijë euro.

Inspektorati i Lartë i Drejtësisë kërkoi shkarkimin nga detyra të gjyqtares Enkelejda Hoxha. Hetimi i ILD ndaj Hoxhës, nisi si rezultat i ankesës së bërë nga Ministria e Drejtësisë për lirimin e shumë personave të dënuar me burg për jetë, mes tyre dhe Endrit Doklen, ish-numri dy i bandës së Durrësit.

Lexo më shumë  Taravari mbajti fjalim në Asamblenë e Përgjithshme të OKB-së

Sipas ILD kanë qenë disa vendime të marra nga Hoxha në harkun kohor nga maj 2017- shkurt 2019 të cilët sipas hetimeve kanë rezultuar me shkelje. Në qershor të vitit të kaluar, emri i Hoxhës doli sërish në skenë pas vrasjes së Hekuran Billës në zonën e Komunës së Parisit.

Ai ishte dënuar me 25 vite burg për një vrasje të ndodhur në Angli por 10 vite para përfundimit të dënimit, Hoxha i fali 5 vite Billës, ndërkohë që 5 vitet e fundit i konvertoi në shërbim prove, duke e nxjerrë atë menjëherë nga qelia. 

Lexo më shumë  Sveçla: I lumtur për renditjen e Kosovës në top 10 vendet me vlerën më të lartë të indeksit të Ligjit dhe Rendit

Rruga Press

YouTube player

Leave a Reply

Your email address will not be published. Required fields are marked *