Gjiganti luftarak i Britanisë së Madhe ateroi në Prishtinë

KFOR-i përmes një postimi në faqen zyrtare në ‘facebook’ kanë treguar se si këtë javë në Aeroportin e Prishtinës ka zbritur një aeroplan i Forcave Ajrore të Mbretërisë së Bashkuar i llojit “A400M Atlas”.

Aeroplani ishte nisur nga “RAF Brize Norton” në Britani të Madhe, dhe drejt Prishtinës kishte fluturuar për të kryer një operacion të ndihmës për forcat tokësore ushtarake të Britanisë së Madhe që shërbejnë në kuadër të KFOR-it në Kosovë.

“Avioni A400M është një mjet strategjik shumë funksional, i aftë për të transportuar ngarkesa të rënda në distanca të konsiderueshme, në lartësi të ndryshme me aftësinë për të ulur në pista shumë të shkurtra.

A400M operohet gjithashtu nga forcat ajrore në Gjermani, Francë, Spanjë, Turqi dhe Belgjikë duke formuar shtyllën kurrizore të transportit ajror të NATO-s”, thuhet në njoftim.

Rruga Press