Gjashtë raketa amerikane qëllohen mbi Rusi/ Ukraina e çon luftën te Putini

BILD

Sulm i Ukrainës me raketa mbi një depo ushtarake në Rusinë perëndimore!

Ukraina thuhet se ka lëshuar gjashtë raketa të prodhuara nga SHBA në territorin rus.

Kështu tha të martën në drekë Ministria ruse e Mbrojtjes.

Një deklaratë nga Moska thekson: “Sonte në orën 03:25, armiku goditi një objekt në territorin e rajonit Brijansk me gjashtë raketa balistike. Si rezultat i mbrojtjes antiraketore, sipas informacioneve të konfirmuara, janë përdorur raketa ATACMS të prodhimit amerikan”.

Propaganda ruse pretendon se ka rrëzuar të gjashtë raketat. Vetëm “fragmente” ranë në “zonën teknike të një objekti ushtarak në rajonin e Bryansk” dhe shkaktuan një zjarr.

Pesë orë më herët, Ukraina konfirmoi sulmin e natës në depon e municioneve. Megjithatë, nuk zbuloi se çfarë lloj municioni është përdorur.

Shtabi i Përgjithshëm ukrainas tha: “Në natën e 19 nëntorit 2024, njësitë e Forcave të Armatosura të Ukrainës sulmuan Arsenalin 1046 të qendrës logjistike pranë qytetit të Karaçevit në rajoni Brijansk të Rusisë”.

Sulmi vjen vetëm disa orë pasi SHBA thuhet se lejuan përdorimin e raketave ATACMS kundër objektivave në rajonin Kursk të Rusisë perëndimore.

Megjithatë: depoja e municionit që u godit është 100 kilometra nga kufiri ukrainas dhe 16 kilometra jashtë rajonit rus Kursk.

Prandaj, mbetet e paqartë se çfarë municioni është përdorur.

Ukraina bëri të ditur për sulmin në Brajansk: “Shkatërrimi i depove të municioneve për ushtrinë e pushtuesve rusë do të vazhdojë”.

Rruga Press