Gërvalla takon Blinkenin: Gjithmonë do të ketë një lidhje të veçantë mes Kosovës dhe Shteteve të Bashkuara

Zëvendëskryeministrja e Kosovës dhe ministrja e Punëve të Jashtme dhe Diasporës Donika Gërvalla, e cila po merr pjesë në “Samitin e Amerikave”, që po zhvillohet në Los Anxhelos, me ftesë të sekretarit amerikan të Shtetit, Anthony Blinken, tha se është inkurajuar shumë nga takimi me Blinkenin, me të cilin ka biseduar për sigurinë dhe bashkëpunimin në Ballkan dhe për të ardhmen euroatlantike të Kosovës, raporton Gazeta Blic.

Ajo ka shkruar në Twitter se gjithmonë do të ketë një lidhje të veçantë mes Kosovës dhe Shteteve të Bashkuara.

“Jam shumë e inkurajuar nga shkëmbimi konfidencial, domethënës dhe i përzemërt me Sekretarin Amerikan të Shtetit Anthony Blinken për sigurinë dhe bashkëpunimin në Ballkan dhe të ardhmen euroatlantike të Kosovës. Gjithmonë do të ketë një lidhje të veçantë mes Kosovës dhe SHBA-së, nuk mund të kemi mik më të mirë! “Faleminderit, Anthony Blinken”, shkroi Gërvalla.

Very encouraged by a trustful, meaningful and cordial exchange with 🇺🇸 @SecBlinken about security and cooperation in the Balkans and the Euro-Atlantic future of Kosova. There will always be a special 🇺🇸 – 🇽🇰 bond – we couldn’t have a truer friend! Thank you, Anthony Blinken. pic.twitter.com/YhjYdBReB1

— Donika Gërvalla-Schwarz (@gervallaschwarz) June 10, 2022

Rruga Press